ПОВИК ЗА ИЗБОР НА УЧЕНИЧКИ ПРАВОБРАНИТЕЛ И ЗАМЕНИЦИ НА УЧЕНИЧКИТЕ ПРАВОБРАНИТЕЛИ
ООУ “Тошо Арсов” објавува повик за избор на ученички правобранител и заменици на ученичките правобранители.
Ученикот правобранител е ученик што ќе се грижи за заштита и почитување на правата на децата во училиштето, кој ќе има обврска да ги промовира правата на детето, да препознава повреда на детските права во рамките на училиштето и да ги пријави сите случаи на повреда на детските права до надлежните органи во и надвор од училиштето.
- УСЛОВИ ЗА УЧЕСТВО
Право на пријавување за функцијата ученички правобранител и заменик на ученичкиот правобранител имаат учениците од 7, 8 и 9 одделение.
- НАЧИН И РОК НА ПРИЈАВУВАЊЕ
Документи за пријавување: пријава и мотивационо писмо.
Заинтересираните кандидати можат да поднесат пријава на два начина: електронски и во печатена форма. Електронската пријава која е достапна на веб страната на училиштето, пополнета треба да се испрати на маил sluzba.tosoarsov@gmail.com. Пријави во печатена форма можат да се подигнат од педагошко – психолошката служба- психолог во училиштето. Потребно е кандидатите да ја пополнат и да ја достават пријавата до педагошко – психолошката служба – психолог.
Мотивационо писмо се доставува во слободна форма.
Краен рок за поднесување на документите: 24.09.2021
- КРИТЕРИУМИ ЗА ИЗБОР
Избор за ученички правобранител и негови заменици вршат учениците од 7, 8 и 9 одделение според следните критериуми:
- пол;
- возраст;
- основно познавање на детските права,
- мотивација за пријавувањето,
- комуникациски и организациски способности,
- етничка припадност,
- претходно искуство, односно вклученост во воннаставните активности.
- ЗАДАЧИ И ОБВРСКИ на ученичкиот правобранител и неговите заменици:
- учество на воведна обука за улогата и обврските на ученичкиот правобранител, организирана од страна на педагошко – психолошката служба;
- промовирање на правата на детето во училиштето преку едукативни – врснички работилници и информативни настани;
- прибирање на преставки – поплаки од учениците (препознавање на прекршување на детските права и обезбедување заштита за почитување на детските права);
- редовна комуникација и координација со педагошко – психолошката служба
Мандатот на избраниот ученички правобранител и замениците на правобранителите е 2 (две) учебни години. Септември, 2021г. Штип